الجاثوم بين الخرافات والحقيقه ونصائح الأطباء

عمرك حسيت وانت نايم انك مشلول مش قادر تحرك ولا حته في جسمك رغم أن ممكن تكون مفتح عينك ،،،عملت ايه ساعتها ،،،كنت مرعوب، ،،ولا خايف ،،،ولا مش عارف تتصرف،،،

الأعراض دي بقه هي أعراض الجاثوم أو الشلل النومي

الجاثوم ده هو تجربه مرعبه لأي حد بيمر بيها ،،،للأسف أعراضه مخيفه انك تبقي نايم ،،وكمان دماغك شغاله كأنك صاحي بس مش عارف تتحرك ابدا وكأن حد ماسكك


هاكلمكوا دلوقت عن بعض اعتقادات الناس عن الجاثوم بعض الناس بتعتبره كابوس وفيه ناس بتقول انه واحد بيجي يغتصب النساء أثناء النوم اما فالتراث الكنسي الغربي فبيعتبروا الجاثوم بيجي نتيجة ملاك اتطرد من الجنه بسبب شهوته الزياده وفيه فلكلور شعبي بيقول انه عباره عن ست عجوزه بتقعد علي صدر النائم وبتكتم نفسه وبتشل حركته ،،،،
أما في الأساطير الفرعونية بيقولوا انه شخص اسود ضخم شبه القرد بيقعد علي الشخص النايم وبيكتم نفسه  وبيرعبه
ولحد وقتنا ده الناس بتقول انه نتيجة الشياطين والجن والعفاريت

هاكلمكوا شويه عن بعض الحكايات الغريبه اللي بعض الأشخاص حكوها عن الجاثوم ،،،

ممرضة  من ليفربول قالت إنها كانت بتتعرض للاغتصاب لمدة عشر سنين كل ليله من سنة 1984 لسنة 1994 من شخص ضخم وكانت بتحاول تصرخ وجوزها اللي نايم جمبها مكانش بيبقي حاسس بيها

نفس القصه كانت مع راجل من زنجبار قال إنه كان بيتعرض للاغتصاب من شيطان معروف عندهم في موروثات زينجبار،،وبيقول كنت بصرخ بس من غير صوت واد ايه هو مصدوم من اللي كان بيحصل فيه


والكلام اللي جاي ده مقتبس عن كلام جيري وهي مساعدة البروفسور  جون ماك واللي زعمت إن فيه مخلوقات فضائية خطفتها
قالت كنت بحس بتقل رهيب جدا جدا في منطقة البطن بس ماكنتش قادره احدد ده عباره عن ايه وكانت برضو بتصرخ بس بدون صوت ،،
وأوقات كانت تصحي تلاقي ناس معاها فالاوضه شبه البشر ،،والموضوع ده اتكررمعاها كذا مره،،


تعالوا دلوقت اتكلم معاكوا شويه بشكل علمي ،،
الجاثوم هو عباره عن حاله من الاختناق وعدم الحركه أثناء النوم أو شلل النوم وبتستغرق ثواني لعدة دقايق بيحاول فيها النايم طلب المساعده أو الصراخ لكن بدون جدوي إلا طبعا لو حد صحاه 
واثبتت الدراسات أن 2%من الناس بيتعرضوا للجاثوم  مره أو مرتين كل شهر ،،والشلل النومي بيجي لأي حد فأعمارمختلفه بس 12 % غالبا بتكون فالطفوله


واخيرا فيه علماء قدروا يعرفوا ايه السر الغامض اللي ورا الحاله الغريبه دي  ...وده كان بعد اكتشافهم لمراحل النوم والتغيرات اللي بتحصل أثناء المراحل دي واللي منها مرحلة النوم الحالم اللي بتيجي بعد 90 دقيقه من الاستغراق في النوم وبتتميز بارتخاء كامل للعضلات  ماعدا العين والحجاب الحاجز وبيتعرض فيها النايم لبعض الأحلام المسلسه الواضحه  وبيحصل الجاثوم عند الخروج من مرحلة النوم الحالم لمرحلة النوم الغير حالم وفي الحاله دي مابتكونش عضلاته في حالة ارتخاء وده بيسببله توتر ورعب نتيجة انه بيشوف بعض الأطياف الغريبه مع الاحساس بالشلل والاختناق وبتستمر وقت بسيط وبيقوم من النوم وهو قلقان وأحيانا خايف كأنه كان بيحتضر

علي مر التاريخ مافيش اي حالة وفاه حصلت نتيجة الجاثوم وعشان كدا
العلماء بينصحوا الناس أن بلاش نعتبر الجاثوم انه حاله مرضيه ولكن نعتبره شكل من أشكال النوم لانه مافيش اي دليل علي انه خطر أو بيسبب الوفاه وده راجع عشان الحجاب الحاجز بيأدي عمله بشكل طبيعي والتنفس بيكون عادي وتوزيع الأوكسجين فالدم بيكون طبيعي  كل اللي بنحتاجه أن الأطباء يطمنوا المصاب ويشرحوله أسبابه وممكن نتجنبه اذاي

ودي بعض نصايح الدكاترة لتقليل حدوث اضطرابات النوم
وقت لما يتعرض المصاب للشلل  النومي يحاول يحرك عضلات وشه ويحرك عينه في مختلف الاتجاهات
المحاوله في تقليل الاضطرابات النفسية اللي بتتعرض لها مع تحقيق الكفايه من النوم
ممارسة التمارين الرياضية قبل وقت كافي من النوم
محاولة ظبط مواعيد النوم
ايمي عاطف

استمتعت بهذا المقال؟ كن على اطلاع من خلال الانضمام إلى النشرة الإخبارية لدينا!

التعليقات

يجب أن تكون مسجلا للدخول لتكتب تعليق.

نبذة عن الكاتب