الدراسة عن طريق الانترنت

الدراسة عن طريق الانترنت

خلال البحث ديالي على شي ماستر او دكتراه في مجال التسويق الالكتروني، على اعتبار انه المجال ديالي، لقيت انه كاين فرصة لي من خلالها تقدر تقرا وتاخد نفس الدبلوم المعتمد غير من داركم... انا مكنهضرش على شواهد ديال "الاتمام"، بل كنهضر على نفس الشهادة لي كنتي اتاخد الى مشيتي قريتي برا...

مع التطور التكنولوجي، ولاو حتى الجامعات كيعتامدو على الانترنت كوسيلة لاضافة مصدر دخل بحيث انها كتسهل المؤمورية على الناس لي باغيين يقراو، فيكفي انه يكون عند حاسوب وانترنت، وتقدر تقرا اونلاين لمدة ديال سنتين وتاخد ماستر ديالك، وهادشي كلو بلا ما تخرج من بيتك...

باش نقدر نجمع معلومات ليا وليكم، تاصلت بواحد الجامعة في امريكا، وحاولت نفهم منهم كيفاش كايدوز هاد البلان، وها الاسئلة والاجوبة :

س : واش ممكن للناس من العالم كامل يقراو عن طريق الانترنت وياخدو نفس الدبلوم ؟

ج : حنا كنأمنو بلي الناس كيكونو مشغولين بالعمل، العائلة، الهواية، المرض، او البعد عن الجامعة ... الشي لي غايخلي واحد العدد ديال الناس يستعصى عليهم الحضور للجامعة، داكشي باش جات الفكرة ديال الانترنت ولي من خلالها كنقدمو دروس طبق الأصل لداكشي لي فالجامعة، مكاينش فرق.

س : انا عارف بلي الدروس مسجلين بالفيديو، ولكن كيفاش كتمر الامتحان ؟ واش خاصني نجي لأمريكا باش ندوز ؟

ج : لا ماشي بالضرورية تجي لامريكا او للجامعة، كلشي كيتم في الاونلاين، كيكون الامر عن طريق بحث، او عن طريق امتحان شفوي في السكايب مع الاساتدة...

س : واش خاصني نكون ملزم بشي وقت وانا كنقرا اونلاين ؟

ج : ماشي ضروري تلتازم، ولكن من الافضل الى خصصتي ساعتين في النهار للدراسة، هاكا تقدر تأفونصي مزيان.

س : كيفاش كتم الاجراءات باش ندفع الدوسي ديالي ؟

++ هنا عطاوني واحد الرابط في الموقع ديالهم ديال الاجراءات والمسائل لي ضروري يتوفرو فيك باش تقدر دفع، يعني نتا فهاد الحالة خاصك غير تشوف في الموقع ديال الجامعة لي فيها الشعبة لي بغيتي.

س : واش هاد الدبلوم معتمد ؟ نقدر نقرا بيه الدكتراه ؟ نقدر نخدم به في امريك ؟

اكيد، هاد الدبلوم هو نسخة للدبلومات لي كنعطيو للطلبة دياالنا، وتقدر تقرا وتخدم به في اي مكان في العالم، وهدا هو شهادة الاعتماد من الهيئة المكلفة في امريكا ++.

س : دابا السؤال ديال المفيد، شحال التكاليف الالة "هايلي" ؟

++ التكاليف كتختالف من جامعة لجامعة، من شعبة لشعبة، يعني ضروري خاصك تشوف في موقع الجامعة...

س : اجي واش نقدر تا فهاد الحالة نستافد من منح ؟

ج : طبعا سي ياسين اعكام، اعتبر نفسك بحالك بحال اي طالب يقدر يستافد من منحة، فقط بحث في القنصلية، والمنح الدولية، و ديال الجامعة كدلك... ولي تقدر تنقص عليك مصاريف الدراسة او تلغيها بشكل كامل.

س : شناهوما degrees لي متوفرين في الاونلاين ؟

- associate degree

- bachelor degree

- master degree

- doctoral degree

- certificate, diploma

هدا ماكا، دابا شنو خاصك تعرف :

- الانجليزية، لا غبار عليها، مكنش خاصني نهضر عليها ولكن : "وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ" صدق الله العظيم.

 

استمتعت بهذا المقال؟ كن على اطلاع من خلال الانضمام إلى النشرة الإخبارية لدينا!

التعليقات

يجب أن تكون مسجلا للدخول لتكتب تعليق.

مقالات ذات صلة
نوفمبر ٢٩, ٢٠١٩, ٦:٠٢ ص - ايمان احمد عبد الرحمن
نوفمبر ٢٨, ٢٠١٩, ١:١٩ م - ايمان احمد عبد الرحمن
نوفمبر ٢٤, ٢٠١٩, ٣:٠٧ م - Mohamed Hares
نوفمبر ١٨, ٢٠١٩, ٧:٢٥ م - Shimaa harbi
نوفمبر ٧, ٢٠١٩, ١٢:٢٨ ص - أشرف يحيى
نبذة عن الكاتب