القواعد ال 12 للوقايه من المرض النفسي

القواعد ال 12 للوقايه من المرض النفسي

القواعد ال 12 للوقايه من المرض النفسي

  1. تجنب الوحدة, وأبني علاقات أيجابية مع اللي حواليك ومتقلش أنهم مش مهتمين أبدا بيك, هيظهرلك اللي شبهك لأن ظهور أي شخص في حياتك ما هو ألا أنعكاس للي أنت فيه.
  2. أضحك أوي ومن قلبك لدرجه أنك تدمع من كتر الضحك, حاول تدور على اللي يبسطك ويسعدك سواء برنامج, فيلم, خروجه, أكلة, رحلة.
  3. أشغل نفسك بأهداف أيجابيه زي دراسه, هواية, فكرة, عمل, لأن الفراغ والوقت الفاضي من أعز أصدقاء الأكتئاب وحبايبه, عشان كدة خليك مشغول دايما لدرجه أنك تنام منكتر التعب الجسدي والنفسي.
  4. أتخلص من العلاقات السلبيه والسامة في حياتك, حاول ولو مقدرتش تتخلص من العلاقات دي سيب مسافة بينك وبينها أو أبعد خالص .
  5. سامح أبوك وأمك عن أي حاجه عماوها معاك وأنت صغير سواء ضرب, أهانه, حرمان, عدم أهتمام أو أي حاجة ألمتك لأن تجارب الطفوله المؤلمه والسيئة زي البركان لو فضلت جواك هتنفجر في يوم من الأيام.
  6. عشان تتخلص من أي ألام نفسيه قديمة مارس أشياء روحيه زي اليوجا والتأمل مثلا والتشافي مش التشفي.
  7. لما الضغوط تشتد أوي عليك حاول تهرب شويه منها ورفه عن نفسك عشان لما ترجع تواجهها تكون نفسك هادية وغير منفعلة.
  8. متبقاش مثالي أو توصل للكمال في تعاملك مع الحياه لأنها بطبيعتها ناقصة, وواجه المشاكل والعقبات بصدر رحب وهدوء لأن المثاليه هي بنزين الصدمات.
  9. أشرب ميه كتير عشان تحافظ على طاقتك وتوازنك وبالتالي تكسب مزاج معتدل ومستقر.
  10. حاجة مهمة أوي وهى أنك تركز مع نفسك وبس ومتقارنش نفسك بحد ولا تنتقص من قدر حد وتقلل من شأنه, لأنك ببساطه لو ركزت مع غيرك هتحس بأن جواك فاضي لكن لما تركز على نفسك هتحسن بأمان نفسي ورغبه في أنك تكون أحسن.
  11. أفهم شخصيتك كويس عن طريق القراءة عن الشخصيات وسماتها وطباعها ومميزاتها وعيوبها, لأن لو كان عندك وعي سليم بشخصيتك هتعرف تتعامل صح مع نفسك.
  12. وأخيرا متنجحش في حياتك وتفشل مع الله لأن النجاح مع الله هو صمام الأمان لأي أنتكاسه ممكن تمر بيك 

استمتعت بهذا المقال؟ كن على اطلاع من خلال الانضمام إلى النشرة الإخبارية لدينا!

التعليقات

يجب أن تكون مسجلا للدخول لتكتب تعليق.

مقالات ذات صلة
نوفمبر ٢٨, ٢٠١٩, ١:٢٤ م - Bilal Lpj Morsli
نوفمبر ٢٨, ٢٠١٩, ١:٢٢ م - سامية علي توفيق علي
نوفمبر ٢٨, ٢٠١٩, ١:٢١ م - Nihal
نوفمبر ١٨, ٢٠١٩, ٧:٢٤ م - ايمان احمد عبد الرحمن
نبذة عن الكاتب