غرائب شعب الهند

تعد الهند من أغرب الشعوب من حيث العادات والطقوس والثقافات وده راجع لكثرة عدد السكان،،

تقع الهند في جنوب آسيا وهي تعتبر من اكتر البلاد المهدده بالارهاب و كمان جيشها يعتبر  ترتيبه التالت علي مستوي جيوش العالم ....و عدد سكانها كبير جدا بعد الصين لحد دلوقت،،،،

 

 

 

 هابدأ دلوقت اكلمكوا عن بعض القوانين الغريبه الموجوده فالهند

عندكوا مثلا   قانون الزنا،،،لو ثبت علي الراجل واقعة الزنا بيتم معاقبته بالحبس أما لو ثبتت علي المرأه فلاتعاقب من أساسه

 

تاني قانون انه علي رغم كبر التعداد السكاني في الهند إلا أنهم مقيدين عدد المواليد يكون اتنين بس ولا جابوا التالت بيدفعوا 10 آلاف روبيه

 

تالت قانون شرب الخمره، ماعندهمش سن محدد للشرب ممكن تلاقي فولايه بيبتدي من سن ال18 وولاية تانيه بيبدأ من سن 25 سنه

 

تعالوا نتنقل دلوقتي  علي  أغرب الطقوس الهنديه

 

الهنود عندهم ديانتين

 

الديانه الهندوسية واللي بتشكل حوالي 81%من سكان الهند،، الغريب فالموضوع ان الديانه دي فيها ملايين من الالهه اللي بيتم عبادتها ،اتقال أن عددهم تقريبابيوصل 3 3 3 مليون آله

 

الديانه التانيه وهي السيخيه وعدد قليل بيؤمن بيها واللي فيها بيعتقدوا ان الواحد لما يموت روحه بتنقل لأي طفل مولود حديث وبتفضل محبوسه من شخص لآخر،،،، الغريب انهم يؤمنوا باله واحد ولكنها طبعا مش ديانه سماوية

 

تعالوا دلوقت احكيلكوا عن علاقتهم بالبقر

تعتبر البقره من اقدس المقدسات اللي لا يمكن ايذاءها باي شكل من الأشكال بيتعاملوا معها كأنها حيوان أليف لدرجة انك ممكن تشوفها بتجري فالشارع وماحدش يعترض طريقها،،وكمان لو حد فكر يإذيها أو يدبحها بيتعاقب بالقانون

 

و ده  بعض الكلام اللي قاله غاندي عن البقره

قال إن البقره هي أم ملاين من الهنود بلا انها أعظم من آلام الحقيقه،،، لأن آمنا الحقيقه بترضعنا سنه وستين وبتطلب منا المقابل طول العمر ،،لكن البقره بتدينا لبن بدون مقابل ،،،كمان قال إن الأم الحقيقيه لما تمرض أو تموت بتكلفنا مبالغ باهظة فالعلاج أو الجنازة أما البقره إذا مرضت أو ماتت فهي بتدينا ذي ماكانت حيه بالظبط بناخد لحمها وحتي كمان عضمها وقال انه مش بيقلل من قيمة الأم لكن بيبرر ليه هو بيعبد البقره

 

اما دلوقت فهااقول لكوا علي أبشع الطقوس اللي مازلت تمارس في بعض البلدان الريفية فالهند

واول طقس معانا والغريب جدا هو إحراق الأرملة

الزوج لما بيموت بياخدوا زوجته وبيقوموا بحرقها معاه وقتلها حيه رغم محاولة سن قوانين عشان تمنع العاده البشعه دي لكن للأسف مازلت بتمارس العاده الغريبه دي  في بعض بلدان الهند

 

ومن العادات الغريبه كمان فالهند إلقاء الأطفال من ارتفاع 60 متر وانتظار أهاليهم في أسفل المعبد بملايات عشان ينقذوا الطفل وبيعتقدوا أن من خلال التصرف ده كدا بيجيبوا الخير لاطفالهم

 

تعالوا اكلمكوا كمان  ازاي العروسه  بتوافق علي عريسها ،،إنها بتاخدوه للغابه وتحرق ضهره بالنار وإذا أصدر اى صوت يدل علي الألم بترفضه تماما،،، أما إذا اتحمل فبتعرف من كدا انه شجاع وبتتجوزه

 

من ضمن العادات اللي باعتبارها انا شخصيا عاده مقززة انهم بيبصقوا كتير فالشارع فكل مكان ،،،،لدرجة ان الحكومه حطت غرامه للبصق فالشارع أو المترو 200 روبيه

 

من ضمن العادات الغريبه فالهند تبرع السيدات  بشعرهم في المعابد بدل من الفلوس

 

وكمان من التقاليد الغريبه بالنسبه للأكل  انهم لا يمكن ياكلوا لحوم أو مشتقات اللبن من جبنه أو يبيض  ا و غيره ،،،وبيستخدموا البهارات في جميع اكلاتهم  حتي الحلويات بيحطوا عليها شطه  ،،،وكمان الغريب انهم دايما بياكلوا  بأيديهم بدون استخدام معالق أو شوك أو سكاكين وبيبرروا الموضوع ده ان كده بيحسوا بلذة الاكل اكتر

 

 

 

 

تعالوا اقلكوا دلوقت  عن بعض المعلومات العامه المتفرقه اللي انا حاولت اجمعها  عن الهند

  انتوا عارفين ان هوا نيودلهي يعتبر اكتر هوا ملوث بالعالم

،،الحوادث فالهند يتسبب بمقتل شخص كل 3 دقايق

،،كمان حالات الانتحار مرتفعه جدا فا في سنه 2012 سجلت منظمة الصحة العالمية 3 17 حالة انتحار فاليوم الواحد ،

،كمان الهند مافيهاش غير 25 راجل هما اللي يعتبروا من اغني أغنياء الهند،،،،

و كمان نسبة الأراضى المتصحره فيها  حوالي 25 %

انتوا عارفين ان الهند بتستهلك نصف الخمور الموجوده فالعالم

وكمان اعتبروا في سنة 2013 أن الهند هي أكثر دوله خطوره علي الصحفيين

تعد شبكة الطرق بالهند هي تاني أطول شبكات الطرق بعد امريكا

 الضابط اللي بلحيه ممنوع انه يترقي بسبب كدا

التقويم الهندي عباره عن 6 مواسم مش ذي ماهو معروف انه اربعه،،، وهما الربيع ،الصيف الموسمية، الخريف ،الشتاء ،مقتبل الربيع

 

وفي النهايه ان الجميل اللي قريته عن شعب الهند انه متعاون جدا والسياح بيبقوا مستمتعين جدا فالتعامل معاهم من طيبتهم وكرم اخلاقم

 

 

 

 

معلومه

تعيش في الهند أكبر عائلة في العالم، وهي تتكون من رجل و39 زوجة، و94 ولد وبنت، و33 حفيد، ويعيشون في بناية مكونة من 4 طوابق و100 غرفة في قرية في ولاية ميزورام الهندية.

 

اغرب شعوب العالم الهند

استمتعت بهذا المقال؟ كن على اطلاع من خلال الانضمام إلى النشرة الإخبارية لدينا!

التعليقات

يجب أن تكون مسجلا للدخول لتكتب تعليق.

نبذة عن الكاتب