قواعد الدايت الأربعين

قواعد الدايت الأربعين لو عايز تخس

قواعد الدايت الأربعين

  1. عمر ما كان الدايت حرمان من الأكل.

  2. أشرب ميه كتير من 2:3 لتر فى اليوم.

  3. كل فاكهة وخضار كتير.

  4. المانجة والموز والبطيخ والعنب والبلح مسموح بيه بس فى حدود السعرات الحرارية المطلوبة منك تاكلها فى اليوم.

  5. نشرب ميه كتير.

  6. على فكرة الزبادي بالليمون فعلا بتعلي الحرق.

  7. لو فضلت تاكل كتير ومهما شربت قرفة (اللي بتزود الحرق) برضه مش هتخس.

  8. فيه دراسة بتقول أن الشاي الأخضر مهما شربت منه كميات كبيرة مش هتخس غير 1/2 ك دهون.

  9. اشربوا ميه كتير (8 كوبايات فى اليوم).

  10. متضحكش على نفسك وتقول أنا هشرب كاكولا دايت لأنها بتخزن ميه فى الجسم غير ضررها.

  11. متاكلش كتير وتشرب بعدها كاكولا دايت عشان تريح ضميرك( بص للقاعدة العاشرة) .

  12. اشرب ميه كتير طول اليوم.

  13. الجبنة القريش دي أختراع, حط عليها تحابيشك وغمس يا معلم.

  14. مش كل شوية تقيس وزنك مش ده الهدف( ريح دماغك حبة).

  15. وجبة الفطار مهمة جدا ولو تمرة عشان الجسم يبتدي يحرق.

  16. لو أكلت وجبة واحدة فى اليوم عشان تخس والله هتتخن ( التجارب أثبتت كده) .

  17. نشرب ميه كتير.

  18. أي تغيير فى الدنيا محتاج صبر ووقت وده سر الناس اللي بتخس.

  19. أكبر غلط اللي قال أن البطيخ مينفعش فى الدايت بالعكس كل بطيخ زي ما أنت عايز.

  20. مين اللي قال أنه يوم فري, أسمها وجبة فري لأن لو عملت كده هبوظ مجهود أسبوع.

  21. كل اللي بتحبه وعايزه فى الوجبة الفري بس ياريت تحترم حجم معدتك.

  22. للمرة الألف أشرب ميه كتير.

  23. لازم تروح لدكتور ينظم حركة جهازك الهضمي ويعالج الأمساك اللي بيقلل الحرق.

  24. متجوعش نفسك لأن الجوع بيقلل الحرق فمش شطارة اللي بتعمله.

  25. متشربش عصاير معلبة لأنها بتخزن ميه فى الجسم وفيها سكر حتى لو مكتوب عكس ده, أشرب عصاير فريش زي ما أنت عايز.

  26. كل أكل متوازن يحتوي على كل العناصر الغذائية لأن بكده هتخس وصحتك العامة مش هتتأثر, وأي كان أسم النظام الغذائي فهو هيهدملك الكتلة العضلية وينقص فيتامينات كتيرة فى جسمك.

  27. متنساش أشرب ميه كتير.

  28. الرياضة أختراع عظيم.

  29. بطنك هتفضل مدلدلةوطالعة لبره لو معملتش تمرينات للبطنحتى لو خسيتي ووزنك نزل على الميزان.

  30. الفمشي بيحرق الدهون وبيزود الحرق وبيحافظ على كتلة العضلات, يعني ممكن نقول عليه ساحر.

  31. لازم لازم نشوف نسبة الحديد فى الجسم لأنه لو ناقص مش هيكون فيك حيل تمشي خطوتين على بعض وكمان بقلل الحرق.

  32. نسبة الحديد مش هى الهيموجلوبين,  ده تحليل أسمه  serum ferritin ولازم تكون نسبته أكتر من 15.

  33. نشرب ميه لحد ما تطلع من ودانا.

  34. كل الأكل اللي فى الدنيا متاح فى الدايت بس بنسب معينة.

  35. نتعلم أزاي نحسب السعرات الحرارية اللي بناكلها فى كل وجبة.

  36. الستات سعراتها متقلش عن 1000 سعر, والرجال 1400 سعر عشان العضلات متتهدمش, يعني مش شطارة أنك تقلل السعرات.

  37. للناس اللي عندهم مشاكل فى الهضم والمعدة لا يفضل تاكل وتنام خلاف كده عادي كل ونام ما دام ملتوم بالسعرات.

  38. لو فيه أكلها مش بتحبها ممكن تعملها بأكتر من طريقة وتبتكر فيها زي الزبادي مثلا, ممكن نضربها فى الخلاط مع الفاكهة أو سلطة بالخيار ...وهكذا.

  39. لازم تغير من نظرتك للأكل وتحط دافع قدامك تخس عشانه وده مهم جدا.

  40. وأخيرا لازم تتعلم أزاي تاكل بشياكة زي ما بتلبس وتتكلم بشياكة. 

استمتعت بهذا المقال؟ كن على اطلاع من خلال الانضمام إلى النشرة الإخبارية لدينا!

التعليقات

يجب أن تكون مسجلا للدخول لتكتب تعليق.

نبذة عن الكاتب