يوميات أم مصرية(مدام صوفي)

يوميات أم مصرية(مدام صوفي) 

الحلقة التاسعة

مدام صوفي

 

Nanis Cash

السلام عليكم ورحمة الله وبركاته أزيكم وحشتوني النهاردة هحكي لكم عن تجارب مريت بيها فيه منها المشرق وفيه منها اللي مش ولابد،طبعا هنبدأ بالجانب الإيجابي 

فاكرين عبدالله اللي كنت حكيت لكم عنه قبل كدة،اللي تبع الكول سنتر ،اللي قالي أن السكن مش آدمي وأنه اتبهدل لما والده توفى،افتكرتوه،أيوة الحمد لله اخد قرض من البنك واشتري تلاجة لحفظ الفاكهة،شاب مكافح كله أمل أن يحسن من حياته مستسلمش للظروف،وقع ورجع تاني يقف على رجله،من الشباب الجديرة فعلا بالأحترام.

المثال التاني اللي هحكي لكم عنه على النقيض،مدام صوفي،اتعرفت عليها عن طريق شغلي الجديد،عارفة محكتش لكم عنه،هو بأختصار تسويق لانجيري وهوم وير عن طريق النت اللي من خلاله اتعرفت على مدام صوفى.

 

 

يوميات أم مصرية(الحلقة التاسعة ) مدام صوفي, فضفضة أم


هقولكم نبذة عنها،هى سيدة فى الأربعين من عمرها،جميله وجسمها أجري له العديد من العمليات التجميلية عشان تبقى النسخة التانية من هيفاء وهبي ،الزوجة الثانية لثري عربي،تمتلك قرية سياحية ونادي صحي ومركز تجميل،المهم كنت بعرض عليها الموديلات والكلام جاب بعضه لقيتها بتحكي ليا عن حياتها وخاصة جون،جون ده صديقها عنده 31 سنه انجليزي الجنسية، مفتول العضلات،ذهبي الشعر

 فوجئت أنها بتحكي عن تفاصيل علاقتها بيه بجرأة تحسد عليها خصوصا أنها متعرفنيش كفاية

 ولقيتني بسمعها وانا مذهوله من هول ما سمعت تفاصيل علاقة محرمة،كان مبررها كبر سن زوجها وأهماله ليها وعدم إحساسه بيها.

كان عدم الرد هو سيد الموقف لأن ثقافتها ومعتقداتها مختلفة شكلا وموضوعا عني، كمان هى مش بتحكيلي عشان عايزة رأيي، هى بس عايزة حد تفضفض معاه مش اكتر 

معملتش لها بلوك

 بالعكس يمكن فضول اني أتعرف على نوعية من الناس جديدة عليا،يمكن صعبت عليا شوية،يمكن عايزة اعرف الموضوع هيرسى على أيه

 طبعا فكرة اني ممكن اعملها بلوك قائمة لان عقلي بيقولي خلى بالك اكيد فى حاجة غلط وقلبي كمان بيحذرني بس بيقولي ممكن لها أسبابها اعذريها

عموما انا سايبة الموضوع للأيام تثبت صحته 

وفعلا الأيام أثبتت رجاحة عقلي وميل كفة الميزان تجاهه, عارفين أيه اللي حصل عملت بلوك لأسباب كتير:

أولا أصابتي بحالة من الغثيان من فظاعة ووضاعة ما سمعت.

ثانيا شكي أن مدام صوفي دي شخصية حقيقية وانها راجل مريض بيدور على المتعة بشكل شاذ.

ثالثا اتعلمت أن فيه ناس ممنوع الأقتراب منها وان نتحكم فى فضولنا شوية لأن معرفتهم مش هضيف شىء بالعكس هتضر وأوي كمان.

ودي كانت نهاية حكاية مدام صوفي.

كان معكم من قلب الحدث      بطة

وده رابط الحلقه فيديو

https://youtu.be/uaacd2dCEvY

استمتعت بهذا المقال؟ كن على اطلاع من خلال الانضمام إلى النشرة الإخبارية لدينا!

التعليقات

يجب أن تكون مسجلا للدخول لتكتب تعليق.

نبذة عن الكاتب